美國 Kiona 莊主 Scott 訪問(四) - 冰酒篇

初初知道 Kiona 有出產冰酒時，覺得好奇怪，以為寒冷地帶如德國、加拿大才有冰酒。Kiona 位於北緯 46度，與法國盧亞山谷相約。到底如何在和暖地區做冰酒呢？一齊聽聽 Scott 解釋啦！



原來是因為 Kiona 位於得天獨厚地區，再上網查一查，先知 Kiona 所在城市 Benton 冬天氣溫會下降到零度以下。呢啲可能就係 micro-climate，不可以單憑地區大約位置去判斷定天氣如何，想學好葡萄酒真的要多做功課才行。

美國 Kiona 莊主 Scott 訪問(三) - 得獎篇

大家應該仲記得，Kiona 於 2009 年的 HOFEX 舉辦的香港國際餐酒比賽中，在數百款參賽葡萄酒中脫穎而出，囊括了兩個大獎，賽事中共有8款葡萄酒被評為 BEST OF CLASS AWARDS (最佳品質大獎)，而Kiona Columbia Valley Merlot 2005 及 Kiona Estate-bottled Red Mountain Lemberger 2005 是為其中2款。 就由 Scott 介紹這兩支酒出眾之處．．．

末段仲有 Scott 得獎後真情流露片段，記得留意！

大文 sir 今次上雜誌 ^^

呢期大文 sir 見報率都幾高喎...

葡萄園區緯度不是34-58度 ?!

【索菲傭】記得大文sir上課時講過，全球葡萄園區是位於北緯 34-58 度及南緯 34-58 度，但原來是會改變的。綠色和平最近於一份報告表示，由於全球天氣暖化，估計於2100年，葡萄園區北緯中位線會由40度上升至 60 度，而南緯就由35度上升至50度。

亦即是說，法國大部份地方會變成地中海氣候，文中提及到Burgundy布根地區，生產全球最靚嘅 pinot noir 紅酒，但由於 pinot noir 對氣候敏感，到2100年Burgundy可能再不適合pinot noir種植。嘩．．．咁就大件事啦，希望各國可以在12月哥本哈根會議可以訂立到解決方案。

現在可以做的，唯有今朝有酒今晚飲啦．．．

美國 Kiona 莊主 Scott 訪問(二) - 華盛頓州篇

老實講，未拍大文 sir 同 Scott 呢段訪問，真係未清楚到底 Kiona 所在地　‘華盛頓州’　到底在哪裡．．．




華盛頓州位置　　　　　　　　　　　　　　　　　　　　華盛頓州四季

大文 sir 八月份酒宴活動精華片段

我終於有時間剪輯 大文 sir 上個月酒宴開心片段同大家分享... 希望有參加嘅朋友可以回味, 無參加嘅朋友亦可以感受一吓。

美國 Kiona 莊主 Scott 訪問篇 (一)

上個月大家都知 Kiona 莊主 Scott Williams 同太太 Vicky 到訪香港, 同大家一起渡過幾晚快樂嘅酒宴。 當然, 大文 sir 唔會放過機會同 Scott 傾計。

Josmeyer 莊主專訪 - 第五輯 (最终回) Alsace 阿爾薩斯

聽完 Christophe 講解完 biodynamic 酒, 真的想即刻飲酒... 但到底我們如何分辨一支是用 biodynamic 方法釀造呢?



大家買酒時一定要認清這個標籤, 咁就可以保證唔會買錯啦!

飲酒都要環保

【索菲傭】上星期四放工時係港鐵攞了本雜誌，主題是減碳生活方案。近期越來越多人講減碳，的確，地球暖化越來越嚴重，如果大家再不理會，真不知二三十年後世界會變成怎樣，我們還有沒有冰酒喝，法國會不會變成新世界氣候，可能再也沒有美味的法國酒喝... 唉...

外國好多人開始提倡減少【碳足跡】 (carbon footprint) (即是排放工氧化碳指數)，香港亦多了認識及推廣。上網一查，原來 organic 酒或舊世界酒會比普通酒或新世界酒較低【碳足跡】，原來係有幾方面會影響:

• 種葡萄時所用肥料，包括肥料、殺蟲劑、亞硫酸鹽 sulfites等，而有機種植中需要較少肥料及使用的也是天然肥料, 比起化學肥料排放較少CO2
  
  
• 灌溉葡萄 (水泵排放CO2，及灌溉會令其他地方泥土乾涸而影響生態系統)，舊世界如法國規例限制不得灌溉, 而新世界多會灌溉葡萄
  
  
• 機器會燃燒燃料排放CO2，例如用機器施肥或收割，有機種植多會人手收割，故可以大大減少機器使用
  

當然還有其他方面影響【碳足跡】，例如包裝、運輸等，但這些原因我們未必可有方法改變。我唯有改變自己買酒習慣，多選擇舊世界及有機酒。

日本已經開始係啤酒上注明【碳足跡】，說不定不久將來葡萄酒亦會有【碳足跡】標籤。


另外, 為地球, 不只飲酒要減碳, 生活亦開始減少【碳足跡】吧...
http://www.1010uk.org/
http://www.guardian.co.uk/environment/10-10
The Sermilik fjord, where hundreds of icebergs are calving from Greenland's vast ice sheets.
http://www.guardian.co.uk/environment/2009/sep/01/sermilik-fjord-greenland-global-warming

Josmeyer 莊主專訪 - 第四輯 Alsace 阿爾薩斯

係訪問中, 大家都感受到 Christophe 對葡萄樹哉種及造酒嘅熱情, 佢自稱 wine grower, 不是 wine maker, 到底有什麼分別呢?



Christophe 就連卡片上也是印上wine grower... ^^

大文sir 見報

昨日【經濟日報】報導了8月份的酒宴, 大文 sir 仲有份接受訪問呀！但點解佢張相咁細, 仲細過其他食客？唔得, 下次如果我在場, 一定要叮囑記者放大大文 sir 張相！