Josmeyer 莊主專訪 - 第三輯 Alsace 阿爾薩斯

選購酒時, 價錢當然係其中考慮因素, 但大家都會同意這並不是最重要, 酒本身品質亦非常重要。 為什麼要選擇 biodynamic 酒呢? 飲 biodynamic 酒又為何對身體好啲?



相信大家亦會同我一樣, 感受到一支 biodynamic 酒絕對係包含了莊主對大自然嘅尊重, 希望將 terrior 最真的一面帶到葡萄酒裡面。Christophe 在訪問中不停提及 '真正的酒 authentic wine', 亦是這個意思。 相信大家並不想飲一支人工化、倒模出來的酒, 而是一支有個性、表現出大自然的酒。

還有, Josmeyer 酒於 2009 頭奪得一個 'Best value award', 故飲 biodynamic 酒亦未必一定屬於高消費。

Josmeyer 莊主專訪 - 第二輯 Alsace 阿爾薩斯

聽 Christophe 講咗咁多關於 biodynamic 種植繁複嘅工序, 要出產 biodynamic 酒, 成本方面一定會比化學種植多, 聽聽 Christophe 點講。



雖然成本較高, 但可以對自己好啲, 對環境好啲, 好好保護自然泥土, 避免泥土乾涸死亡 (此處有詳細介紹), 等我們下一代都可以飲到好好嘅酒, 選擇 biodynamic 酒就係其中一個方法。

(普通耕種泥土乾涸) .................... (biodynamic 泥土鬆軟而有生命力)

點樣選購香檳好呢 ??

【索菲傭】好多朋友都喜歡飲香檳, 但市面上香檳選擇非常多, 價錢比紅白酒貴 (最少都要$300以上),　所以好多時都唔知買邊支好, 驚會買咗支唔好嘅香檳, 唔似紅白酒, 用百多元已經可以買到一支不俗的酒。

要買好味又價錢相宜的香檳, 倒有一個秘訣 -- 就是看label右下角是否有 “RM” 呢兩個字 -- 就係咁簡單。

原來呢兩個英文字母代表了釀酒商種類, 最常見會有兩種:

RM (Récoltant Manipulant) - 香檳酒商用自家種植葡萄釀酒及發售。

NM (Négociant Manipulant) - 香檳酒商購買葡萄/葡萄汁/葡萄酒, 於自家場地完成其餘製造程序並發售, 大多數市面買到的香檳 (尤其是大牌子) 都是屬於此類。

RM 香檳往往可以給你驚喜, 價錢亦唔會好貴, 原因好簡單:

1) 由於 NM 香檳是用香檳區不同葡萄園的葡萄釀酒, 酒體沒有了terrior特色, 就算葡萄農種得幾出色, 亦都不能反映係支酒裡面。

2) RM 係葡萄農用自己名字出香檳, 當然由種植到釀酒都非常用心去做。相反, 由於 NM 葡萄農不是產酒商, 他們相對上未必及 RM 葡萄農那麼用心種植。

3) 大多RM 香檳不是名品牌, 價錢上亦較抵。

以上並不是指所有NM 香檳都不好, 還有很多原因可以影響香檳質素。但有機會不妨試試 RM 香檳, 多多支持這些小型酒莊, 隨時會發掘到又好又抵飲嘅香檳。

RM 香檳

NM 香檳

Josmeyer 莊主專訪 - 第╴輯 Alsace 阿爾薩斯

記得我地之前同Josmeyer 莊主 Christophe 做嗰個訪問, 講到於 Biodynamic 種植方法中, 泥土係非常重要。但同普通植方法, 到底有什麼分別呢? 大家一齊睇吓...

一個人飲酒小貼士

【儍儍哋】孤伶伶一個人好想飲酒而又飲唔晒一支750ml的時候, 咁點算呢?

Option 1
放棄唔飲 : 孤伶伶一個人已經好慘啦, 連酒都只能有得望冇得飲, 真係人間極慘事件, 唔通連個天都唔鍾意我?

Option 2
買/用返個酒塞塞返住支酒 : 到第二晚再飲時, 佢已經變咗啦, 唔再係第一晚的佢, 因為氧氣的入侵而令佢變成:
香味飄咗去凡間遊玩, 一去不返
被酸味襲擊, 佢已經變咗支醋啦…

Option 3
買真空酒瓶塞來抽走啲空氣然後塞返嗰真空塞, 咁空氣咪入侵唔到囉 : 但佢又唔可以抽晒啲空氣, 連酒嘅香味都一齊抽走埋…..咁又點可以呢….

我提議一個比較平又方便的方法給大家:
首先預備一個玻璃樽 (375ml 或者 250ml), 要係擰蓋嗰隻, 當開咗支酒後, 立即把酒倒入空瓶, 直到瓶頂滿晒為止, 冇任何空隙, 然後把瓶蓋擰實, 咁第二日就可以再搵番佢嚟飲過啦.
因這個方法可以減少氧氣的入侵而氧化咗支酒, 咁就能夠保留返支酒的特性, 味道, 香氣….等等而又唔會浪費支酒啦!

哈哈哈….咁….我每日咪都可以飲囉…..你今日飲咗未??

普羅旺斯浪漫之旅 - last trip - Provence

係一個冇得試飲, 冇得聞嘅情況下, 單看酒面就可以分辨酒的質素, 有無化學成份添加。咁神奇? 一定要請 Valérie 講解一吓。

大文 sir 教大家自製假酒?!

大文 sir 係之前 大文 Sir 之真酒假酒?! 片中, 教過大家點睇支酒既 label 分真假, 但原來 label 上的資料正確, 支酒都未必係冇問題, 因為內裡可能另有乾坤。

不如等大文sir講解一下, 就知道個橋妙之處...

日新月異, 連葡萄酒都可以偷龍轉鳳, 仲令人完全睇唔出添。大家記住買酒要到相熟及有保証的商舖啦!

普羅旺斯浪漫之旅 - 第五輯 Provence

有咁靚既Rosé, 你話配咩食物好呢? 北京填鴨? 海鮮? 定係淨飲? 同埋溫度要凍啲定冇咁凍好呢?

就由 Valérie 同我哋分享一下...

普羅旺斯浪漫之旅 - 第四輯 Provence

Chateau Roubine出產的 Rosé 係顏色上同埋結構上點解同一般既Rosé有唔同? 原來佢用咗7種提子(Carignan, Cinsault, Mourvèdre, Grenache, Syrah, Cabernet Sauv. and Tibouren) 釀製而成, 收割的方法亦都有關係.

大家想唔想知大文sir既十大至愛之一是誰呢? 想知...睇片啦!

The Tibouren Grape Only in Provence

Château Roubine Provence Cru Classé 一系列既 Rosé , 紅, 白酒.

大文sir既十大至愛之一, 就係佢啦.

Kiona 勁配上海菜‏

各位好朋友：

本人袁大文為你隆重介紹

一個潮爆夏日的釀酒師精裝晚宴(Kiona 勁配上海菜)主角是剛囊括了兩個Hofex大獎的華盛頓州Kiona酒莊,點解叫勁配? 因為味濃的上海菜配酒較有難度，醉雞、紅燒?魚、海蔘酸辣湯,水煮牛肉麵等等,一味接一味………咸、酸、甜、辣都試齊，由本人及Kiona莊主Mr Scott Williams帶領演譯，且看看他的名釀與這些上海名菜在口中如何的糾纏。應邀只辦三席，萬勿錯過，購票從速！

雖然配了4天的菜，但效果理想，很是值得！

配菜花絮:請點擊以下網址觀看:

http://picasaweb.google.com/adangatingleung/KionaShanghaineseCusineWinemakerDinnerAtLulu22August2009FoodPairingPhotos#

每位票價：HK$478.00 凡在8月15號前購票可獲9折優惠

曰期:2009年8月22曰

時間:晚上七時

地點:南洋酒店地庫(上海鷺鷺酒家)-香港灣仔摩利臣山道23號

訂座電話:23951293村鄉葡萄園(國際)有限公司

普羅旺斯浪漫之旅 - 第三輯 Provence

上一輯, Valérie 提到一個好特別既種植方法 - Sustainable Agriculture, 到底這種方法同 organic 有咩分別呢? 大家不妨聽一聽