大文 Sir 之真酒假酒?!

大家有冇買過或收到朋友送既假葡萄酒呢? 定係你根本唔知支酒係假既而飲晒落肚?

乜酒都有假既咩? 係呀, 有假架!

咁點知道自己買咗假酒呀? 大家不妨聽一聽大文sir的講解啦!

Oh Good! 聽完大文 sir 講解後, 又識多一樣嘢啦! 即時覺得自己醒咗。

記住千祈唔好再買到假酒啦, 唔係就會俾人有排笑架啦......hahaha

大文sir之石頭記

相信識得大文sir嘅人, 都會知道佢係個石痴, 有舖執石癮, 依家就由大文sir講吓點解佢咁愛石頭, 而石頭對於酒原來亦有好大嘅關係...

下次你有機會去酒莊旅遊, 記得執番啲石頭返屋企, 咁就可以一邊飲酒一邊聞住塊石。話唔定你可以執到塊億年化石, 咁就發達啦!

與 Alsace 有個 Friday 約會

星期五晚, 無街去, 真係好down呀!

幸好有msn, 係最後關頭比我搵到個飯腳. Down down 地, 最好梗係大吃大飲啦, 所以我地去左間有wine飲嘅西餐廳。坐低咗,已經8點半啦, 好肚餓呀, 所以即刻點了個招牌菜海鮮拼盤, 同埋幾味海鮮菜色。 好自然地, 我地唸住點支白酒。

望住酒牌, 通常人都會點澳洲/紐西蘭嘅chardonnay 或者 sauvignon blanc, 貪佢地雪凍左, 酸酸地, 夠醒胃。但係始終新世界酒太簡單, 並不是我嘅口味。記得睇過篇文, 介紹Alsace嘅pinot blanc白酒, 話如果酒牌比較少choice, 就試吓點佢, 仲一定唔會令你失望咁話。我就當然要試試係咪真啦, 於是點左呢支Domaine Marcel Deiss Pinot Blanc 2004。

呢支酒果然無令我地失望。佢比較金黃色, 酒身較厚, 有別於其他國家嘅pinot blanc。味道較甜, 有清新花香及淡淡橙香味, 加上minerals, after-taste 長而有層次, 單飲已經非常不錯。 配上海鮮, 可能係因為酸度不足, 故只能帶起食物少少鮮味。當然唔稱得上係靚酒, 但係以$300係餐廳order酒嘅價錢, 已經係唔錯啦。

坐左一晚, 兩個女仔, 開懷暢飲, 臨走時友人說了聲“今晚真係飲得好盡興”, 真令人恩慰, 過了個咁愉快嘅Friday night, 一定要歸功於支Alsace pinot blanc, 總算選對了吧。